بوابة الجيل الجديد

الأحد,26 مايو , 2019

رئيس التحرير التنفيذي

إسلام السعيد

bainidek.com
ثقافة وفن

نشوى مصطفى تعرب عن حزنها الشديد لمرض شريف مدكور

1:42 PM _ تم النشر فى الخميس,25 أبريل , 2019

http://elshaari.rehabfm.com/images/News2015-7/101600.jpg
رحاب اف ام

أعربت الفنانة نشوى مصطفى، عن حزنها الشديد، لإصابة الإعلامي شريف مدكور، بورم في القولون، قائلة: "يا شريف أنا بحبك أوي، بحب روحك الطيبة وقلبك اللي مليان نور ومحبة".
وكتبت "نشوى" عبر حسابها الشخصي على موقع التواصل الاجتماعي "فيسبوك": "فاكر يا شريف في فترة من حياتي مريت بتجربة مرار خليتني في منتهى الضعف الإنساني واحنا ساعتها مكناش أصحاب خالص.. فاكر لما كلمتني؟.. عمري ما أنسى وقفتك النفسية جنبي عمري ما أنسى أد إيه كنت بتقويني وفضلت معايا لحد ما اتطمنت إني بقيت كويسة.. عمري ما هنسالك الموقف ده أبدًا، وقت شدتي لقيتك موجود، وبعدها عرفت أد إيه إنت إنسان كبير من زملاء كتير كل ما احكي لهم وقفتك معايا اسمع منهم حكاوي طيبة عنك مع الغريب قبل القريب".
وأضافت: "يا شريف من شهرين عزمتنى على العشاء عندك وقلت لي أنا مجمع أقرب الناس لقلبي وعايزك تكونى موجودة واعتذرت لك ساعتها عشان كان يوم خطوبة بنتي ما ليش دعوة أنا عايزة عزومة عشا قريب.. ولا أقول لك خليها فطار أو سحور"، متابعة: "يا كريم ياللي من بيت كريم.. مستنية يا غالي تليفون العزومة واحنا بنحتفل بتمام شفاك يا رب يحبب فيك خلقه كمان وكمان".
وكان "مدكور" قال في تصريح سابق إنه مصاب بورم حميد، وقد لا يحتاج إلى إجراء عملية لإزالته، مشيرًا إلى أن ذلك ما ستكشف عنه الفحوصات خلال الفترة المقبلة، موضحًا أنه اكتشف إصابته بالورم، الثلاثاء، بعدما توجه إلى المستشفى لإجراء الفحوصات، لافتًا أنه قرر إعلان مرضه مباشرة لأن "المرض مش عيب"، وهو ما لا يحتاج لإخفاءه عن جمهوره.