بوابة الجيل الجديد

الثلاثاء,21 نوفمبر , 2017

رئيس التحرير التنفيذي

إسلام السعيد

bainidek.com
ثقافة وفن

هكذا استقبل مشاهير الوسط الفني ألبوم عمرو دياب الجديد «معدي الناس»

3:38 PM _ تم النشر فى الإثنين,17 يوليه , 2017

http://elshaari.rehabfm.com/images/News2015-7/76618.jpg
متابعات بوابة الجيل الجديد

أحدث الألبوم الجديد للهضبة عمرو دياب "معدي الناس" ضجة على مواقع التواصل الاجتماعي، خاصة أنه تم طرحه بشكل مفاجئ.

وحرص عدد من مشاهير الوسط الفني على تهنئة «الهضبة» على ألبومه الجديد، ووجهوا له عدة رسائل.

وكتبَ الفنان عمر مصطفى على صفحته الشخصية "فيس بوك": "عمرو دياب، الصيف مايبقاش صيف من غيره، هو مش بس استاذي، هو صديق و اخ من اول ما مسكت الجيتار،من اول ماكنت انا و اصحابي مانفوتلوش ولا حفلة.

سوء التفاهم بيحصل بين كل الناس لكن انا عمري ماقلت او لمحت حتى بأي اهانه ليه بالعكس كنت مدافعا عنه دايما حتى في وقت بعدنا عن بعض....و انا لازم اعترف بعد اللي وصلت ليه بفضل الله انه كان سبب كبير في شهرتي، إيمانه بيا و بموهبتي كان دايما حافز ليا اني أبدع .. عمري ماسمعت انه قال كلمة وحشة عني لإنة إنسان راقي قبل ما يكون فنان راقي..خلافتنا كانت بسبب شركة انتاج مش أي حاجة تانيه...كنت و لازلت بتعلم منه و بستنى جديده زيي زي الملايين من جمهوره اللي ذكراياتنا كلها على أغانيه..مستنيين البوم الهضبة عمرو دياب".

كما ذكر الموسيقار يحيى الموجي عبر صفحته الشخصية على "فيس بوك": "طبيعه شغل عمرو انه بيعمل كل البوم حوالى اكتر من 30 اغنيه وهو الى بيختار منها ايه الى ينزل .. زى ما قال فاكرينك لحد الان فى الالبوم زى ماوعدكم فى اخر حفلاته .. معلومه البوم كمل كلامك كان نزل واطبع اول طبعه وعمرو كنسله وعدل فى الاغانى وطبعوا من اول وجديد .. عمرودياب الوحيد الى يقرر ايه الى ينزل وكلنا بنثق فى رؤيته الفنيه لالبوم".



أما عن الشاعر أيمن بهجت قمر فكتب عبر حسابه الشخصي على "فيس بوك": "انا بقالي فتره بفتح صفحه جديده مع كل الناس عشان كده مش هتكبر النهارده إني اعتذر وأبارك لأخويا الكبير وعشرة العمر الفنان عمرو دياب على الالبوم الجديد".

وتابع "قمر": "خمس سنين زعل كتير اوي بصراحه وانا غلطت لإني اقحمت عمرو في مشكلتي مع روتانا وغلطت اكتر لإني أظهرت الخلاف ده في العلن ولكن الواحد طول الوقت بيتعلم ومحدش كبير على الإعتذار".

وأضاف أيمن: "ويا عمرو زي انا ما غلطت في العلن انا بعتذر لك في العلن إنت فوق إنك فنان كبير انت اخ حقيقي على المستوى الشخصي انا افتقدته وعفا الله عما سلف".

وتابع: "وعايز اقدم برضه إعتذار لجمهور عمرو اللي زعل على زعله وحقكوا على راسي من فوق، وصافي يالبن".

ونشر الفنان أحمد حاتم صورة لألبوم الهضبة الجديد على حسابه الشخصي "إنستجرام" وعلق عليها: "ما قولتش حاجة من عندي" في إشارة لأسم الألبوم "معدي الناس".

http://elshaari.rehabfm.com/images/NewsImages/686294.png http://elshaari.rehabfm.com/images/NewsImages/686293.png http://elshaari.rehabfm.com/images/NewsImages/686292.png http://elshaari.rehabfm.com/images/NewsImages/686291.png