بوابة الجيل الجديد

الثلاثاء,17 أكتوبر , 2017

رئيس التحرير التنفيذي

إسلام السعيد

bainidek.com
حوارات وتحقيقات

حوار.. علياء شريف ومنة الديب ونهلة الجبروني ومريم مخلوف: قصص مفاجئة قبل حفل الزفاف وأحنا ممكن نشتغل أطباء نفسيين عشان خاطر العروسة!

8:24 PM _ تم النشر فى الخميس,27 أبريل , 2017

http://elshaari.rehabfm.com/images/News2015-7/74023.jpg
حوار أحمد رفاعي

في حوار خاص لإذاعة وقناة رحاب إف إم (بوابة الجيل الجديد) مع المذيع أحمد رفاعي، عن العروسة ومايحدث قبل حفل الزفاف مع خبراء التجميل ومصممة الحجاب والفوتوغرافي، كان لنا لقاء مع علياء شريف، منة الديب، نهلة الجبروني، ومريم مخلوف.

علياء شريف "فوتوغرافي"
"أنا خريجة إعلام وبشتغل في مهنة التصوير من "أربع سنين"، وعايزة أقول ان بالرغم اننا بنتعب عشان نطلع صور كويسة جدا للعروسة في حاجات بتحصل معاي بتضايق جدا، العروسة دايما بتتأخر ولما بسأل ليه التأخير الجواب عشان خبيرة التجميل هي الي لسة مش خلصت شغل، ده غير ان شخص قريب او صديق العروسة يتدخل في شغلي والتصوير".

وعن زواجي "أحمد" "زوجي دائما بيشجعني في شغلي ومفيش مرة اعترض علي شغلي بالرغم اني بقابل حاجات كتير ممكن تضايق في الشغل".

منة الديب "خبيرة التجميل"
"أنا بقالي ثلاث سنين في مهنة "الميك اب"، وفاكرة ان أول مرة عملت "ميك إب" لصديقة لي بس انا تطورت من نفسي واخذت كورسات لحد ماوصلت لأفضل ماعندي في مهنة خبيرة التجميل".

وفي طبعا حاجات كتير بتضايق في الشغل، زي تدخل أهل او أصدقاء العروسة في شغلي أو تكون العروسة متوترة جدا فبكون طبيبة نفسية في الحالة ده وبحاول اتكلم معاها عشان تكون هادية، وعن فكرة ان خبيرة التجميل بتتأخر علي العروسة الكلام ده ممكن يكون مع بعض خبراء التجميل لكن انا مواعيد كويسة جدا.

نهلة الجبروني "مصممة الحجاب"
"أنا كنت بشتغل في الأول في شركة وبالصدفة اتصلت بي صديقتي "أمنية" هي "فوتوغرافي"، كانت عايزة معاها مصممة حجاب وكانت البداية في عملي كمصممة للحجاب".

بحكم ان علاقتي معي خبيرة التجميل والفوتوغرافي دائما بتصل بيهم أسال عن العروسة عشان لو عرفت انها متوترة او في اي حاجة بحاول اكون عامل اساسي مع العروسة اني اخليها تكون اهدي، وعن الحاجات الي ممكن تكون بضايق في شغلي تدخل الناس الي موجودة مع العروسة في لفة الحجاب او التعليق الغير مهني علي شغلي.

مريم مخلوف "خبيرة تجميل"
أنا بقالي ثلاث سنين في مهنية خبيرة التجميل، دايماً بحاول اكون الأفضل في شغلي ويكون علي اكمل وجه، دايماً قبل لما بروح للعروسة بكون متوترة شوية لاني بخاف اتأخر عليها، عن المواقف الصعبة في شغلي مرة عروسة فضلت معاها حاولي ثلاث ساعات بعمل ليها ميك اب والسبب انها كانت متوترة جدا جدا وكل شوية تبكي وانا اعيد الميك اب.

شاهد الحوار كاملاً...