بوابة الجيل الجديد

الثلاثاء,24 يناير , 2017

رئيس التحرير التنفيذي

إسلام السعيد

bainidek.com
حوارات وتحقيقات

مذيع برنامج البلاتوه: سر نجاح البرنامج المرأة وقريبا برنامج للأطفال وانتظروا نجوم في حلقات الموسم الجديد

9:44 PM _ تم النشر فى الأحد,18 ديسمبر , 2016

http://elshaari.rehabfm.com/images/News2015-7/68410.jpg
حوار أحمد رفاعي ورغدا سالم

بعد أن سجلت برامج التوك شو تراجعًا ملحوظا في الآونة الأخيرة، وانصرف المشاهد المصري عن رؤية معظمها، بسبب الجرعة المملة التي تقدمها يوميًا دون تغيير يذكر، أصبحت البرامج الساخرة لاعبًا رئيسيًا على مسارح الفضائيات المكشوفة، وحقق برنامج "البلاتوه" الذي يقدمه المذيع أحمد أمين نجاحاً باهراً، عند بداية عرضه منذ أقل من شهرين على شاشة قناة النهار، بالإضافة إلى تداول مقاطعه بكثرة على مواقع التواصل الاجتماعي، إعجابا بها وارتفع عدد رعاة البرنامج من اثنين فقط في أول حلقة إلى عشرة بعد مرور شهرين على إنطلاقه.

ويكشف لكم موقع رحاب اف ام (بوابة الجيل الجديد)، أسرار نجاح البرنامج وكواليسه ومن هو المذيع أحمد امين..

ما السبب الرئيسي في نجاح البلاتوه من وجهه نظرك؟
احنا حاولنا نعمل افكار قريبة من المصريين وحاولنا نجتهد، لكن سبب النجاح ممكن نسال فيها النقاد او المتابعين للبرنامج.

اكتر المواضيع اللي بتنجح وبتلمس الناس ؟
الجواز وعن المرأة، ودائما السيدات بتدعمنا بتعلقيهم علي صفحات التواصل الاجتماع ويمكن سبب نجاح وانتشار البرنامج السيدات.

مين بالنسبة لك منافس ومين مثلك الأعلي ؟
بتعلم من كل الناس سواء بداخل مصر او خارج مصر، وبالنسبة للمنافسة هي مش منافسة ولكن بحب اتابع اعمالهم مثل أكرم حسني وناس كتير الي بتقدم برامج شبه برنامج البلاتوه.

ماهي اكثر الانتقادات اللاذعة الي قابلها البرنامج؟
كل الانتقادات كانت بناءه ومعظم الانتقادات من الناس الي بيحبوا البرنامج كانت إيجابية، وبشكل مستمر في ناس اصدقاء للبرنامج او شخصيا بتكلمني بعد البرنامج تقول رايها أو لو في حاجة مش كويسة، ويمكن بعض الناس قالت ان مدة الاسكتش البرنامج كبيرة ولو تكون قصيرة في المدة.

هل حصل ان حضرت لحلقة واتلغت لاسباب أمنية او ان القناة تدخلت في اي من الحلقات ؟
لن يحدث ولا مرة او ان القناة تدخلت في حاجة زي ده، لاننا مش بنتكلم في السياسة او اي حاجة تدعي ان يحصل كده.

مارايك بتحويل البرامج من توك شو لاستضافة نجوم لعمل مشاهدة اعلي؟
هو بالفعل حسب ما تم الاتفاق مع القناة، سوف يتم استضافة نجم كل حلقة في الموسم الثالث بفقرات البرنامج.

اكتر كواليس متعبة جدا في الحلقات ؟
كواليس الكتابه متعبة جدا، كتابة 12 اسكتش نختار منهم 4 فقط وبعد كده تحضير انتاجيا من الشخصيات والفقرات وفترة التصوير 3 ايام وبعد كده مونتاج وجرافيك فالموضوع في تحدي كبير وتعب كبير.

صفحة برنامج البلاتوه أعلنت عن مواهب للانضمام لورشة كتابه بلاتوه وارسال 3 اسكتشات ولاقت الفكرة هجوم علي الصفحة خوفا من سرقة الافكار، تعليقك ايه؟
في الحقيقة ان لم الحظ اي هجوم، ولكن بعض الناس قالوا ان الافكار الي هتتبعت انتوا هتاخدوها ولكن ده الطريقة الوحيدة الي للتواصل المواهب الجديدة وافكارهم، ولكن في حاجات كتير بتثبت ان الفكرة ده خاصة بالشخص الي بعتها ولو حصل ان البرنامج اخدها عنده اثبات في المعاد الي ارسل بيه الأميل يقدر يبلغ ده لو حصل، واحنا اصلا مش عايزين افكار احنا فقط عايزين نشوف المواهب وخفت الدم من المواهب.

سمعنا عن عمل كوميدي قريبا ايه تفاصيله؟
مفيش اي عمل كوميدي، غير ان بحضر للموسم الثالث من البلاتوه وهيتذاع قبل رمضان، والحاجة الي وافقت عليها مسلسل رسوم متحركة من إنتاج واخراج سامح مصطفي، ولسه لن يحدد هيتذاع علي اي قناة.

ممكن نشوفك في عمل للاطفال قريبا بما انك كنت رئيس تحرير لمجله اطفال فترة طويلة ؟
بالفعل كنت رئيس تحرير لفترة 10 سنين، وبجد نفسي اقدم حاجة زي "عم فؤاد" و"جدو عبده"، لان مفيش اي عمل اهتم بالطفل او قدم حاجة مثل ذلك، ولكن لن احدد الي الان ممكن امتي اقدم ده.

لو لم تشارك في التمثيل والاخراج وتقديم البرامج؟ كنت هتشتغل ايه ؟
انا ممثل فقط، انا كنت صحفي وبعد كده بقيت منتج فني فاحتمال لو مش دخلت في التمثيل كنت هكون منتج.

اكتر حلقة في المواسم كلها قريبه الي قلبك وليه ؟
في الموسمين هي حلقة الأم، لان ام رحمت الله كانت علي بالي وانا شغال في الحلقة ويمكن توقيتها كانت في عيد الأم وكانت فتحت خير علي بوجود ماما في الموضوع.

http://elshaari.rehabfm.com/images/NewsImages/422284.jpg http://elshaari.rehabfm.com/images/NewsImages/422283.jpg http://elshaari.rehabfm.com/images/NewsImages/422282.jpg http://elshaari.rehabfm.com/images/NewsImages/422281.jpg