بوابة الجيل الجديد

الأحد,20 أغسطس , 2017

رئيس التحرير التنفيذي

إسلام السعيد

bainidek.com
مواهب

راجي مهدي يكتب: دموعي رافضة تودعك

10:46 AM _ تم النشر فى الأحد,22 مايو , 2016

http://elshaari.rehabfm.com/images/News2015-7/53290.jpg
بوابة الجيل الجديد

ولازلت تقول و انا اسمعك
ودموعي رافضة تودعك
ف القلب لسه ضحكتك
ساكنة الشقوق الدامية
والذكريات ساكنة اليقين
يا رفيق يا خالد ف السنين
و القلب لسه بيذكرك
وسط النحيب وسط الأنين
كنت انت واحد من نورين
لعيوننا في زمن الضلام
احنا صاينين الكلام
والذكري لسه يا رفيقي
ما سكة المواجع م الزمام
ف الصلاة كنت الإمام
و ف المسيرة تشد العزايم
مسحراتي ف طريق الحق
ماشي بكلمتك صابر وصايم
تبشر بالفجر بين النيام
و بطلوعه من وسط الهزايم
يارفيقي ..
مر الوداع ف الحلق حي
والمسؤلية مين بعد منك أدها
الشمس بعدك مالها ضي
تاهت شطوطها ومدها
رحل المغني ويّا نايه اللي انكسر
وحيد جوا درعه..
حواليه تلاتة اربعة
وباقي جيشه مالوش أثر
ودع زمانه اللي زمان ودعه
و ما انهزمش و لا انتصر
لو كان فولاذ كان انكسر
ف عز ما كانت بلاد بتموت
احلام بتكتب نعيها
وتنطرح جوا التابوت
و شراع بتخذلها الصواري
كتبت حكاية ف الصمود المستحيل
ف وش قطعان الضواري
يا رفيق ..
القلم ضل الطريق
و الرثا خنجر ف قلب القلب
القلم جانح بخاطري للبكا
ف الاغاني المهزومين مليون هزيمة
م الذكري اجتر العزيمة
ولا اجتر الدموع ؟
يا رفيقي امتي هانلاقي الاجابة
امتي هايتم الرجوع ؟؟
..

http://elshaari.rehabfm.com/images/NewsImages/186071.jpg