بوابة الجيل الجديد

الخميس,19 أكتوبر , 2017

رئيس التحرير التنفيذي

إسلام السعيد

bainidek.com
مواهب

الشاعر أحمد سمير يكتب: وداع أخر حبيب فارق

6:19 PM _ تم النشر فى الإثنين,22 فبراير , 2016

http://elshaari.rehabfm.com/images/News2015-7/44871.jpg
بوابة الجيل الجديد

وداع أخر حبيب فارق
تودع قلبى وتسيبة
وداع من قلب لحبيبة
تودع كل شئ بينا
فـ خانة جرح ترتيبة
تفارق كل يوم ضحكة
تودع كل يوم احباب
على عينى دموع تنزل
ومن بكرة فـ كشف غياب
يكون أسمك دا عنوانة
واحد حابب حبيب خانة
خسارة إن احنا نبكى علية
نفكر لحظة فى مكانة
بكل ما فيا أنا عاشق
كيان أسمك
لكن روحى دية رافضة تكون
فى تكوينك
ولا عايزة تكونلك طيف
وتحضن حتة من عينك
يا وجع الروح
مكان ما بروح
بشوف عينى
بترسم دمع احزانى
بقيت عايش كما الميت
رجعت مريض ومن تانى
خاصمت الضحكة من بعدك
خاصمت الفرح لو جالى
أنا بياع علشان بعدك
هبيع أنا كل شئ غالى
هبيع قلبى لو افتكرك
هبيع روحى دية لو حنت
يا ريتك وقت ما بعتى
دموعى دية لحظة أستنت
وخبتها قصاد عينك
ياريت كل اللى فات أنساة
ولا عُمرى أققول فينك
تغيبى قصاد عنيا كتير
وهتعود على النسيان
وعينك لو شافتنى تغير
علشان معنى الخيانة جبان
لسة فاكر كل كلمة
لسة فاكر كل وعد
يا اللى قولتى موش هفارق
مخلوقين احنا لبعض
عمر ما الأيام بتجرح
قد ما بيجرحنا وعد
عن معنى النوم بعد دموعنا
عن صوت أموات بتنادى بشوق
أنا عُمرى ما كنت غريب عنهم
ولذلك روحى هتطلع فوق
سكان هذا الكوكب المهجور
بنى آدم كارة شكل النور
بيحب الضلمة وأسرارها
علشان حضنها بيكون فى ظهور
الدمعة فـ أول مشوارها
كل الخاينين كل اللى باعوك
ولا عمر فـ يوم أصلا حابوك
الوداع يا كل حاجة حبتها
وهيا محبتنيش
الوداع يا كيان روحى
اللى كنت بيها بعيش