بوابة الجيل الجديد

الأحد,19 مايو , 2019

رئيس التحرير التنفيذي

إسلام السعيد

bainidek.com
أخبار الرحاب

فيديو .. أفراد الأمن ينظمون أول مسيرة بمدينة الرحاب للمطالبة بحقوقهم المادية

5:50 PM _ تم النشر فى الأربعاء,16 ديسمبر , 2015

http://elshaari.rehabfm.com/images/News2015-7/36389.jpg
كتب أحمد رفاعي- أخبار سكان مدينة الرحاب

تظاهر صباح اليوم الأربعاء, أفراد الأمن بمدينة الرحاب, مطالبين بحقوقهم الأنسانية والمالية من جهاز مدينة الرحاب.

وارسل احدي أفراد الأمن للصفحة الخاصة بسكان مدينة الرحاب, توضيح سبب التظاهر صباح اليوم, قائلا :

السلام عليكم ورحمة الله وبركاته, بدون اسمي بطلب من حضرتك توصل رسالتي للسادة المحترمين اللي معترضين علي وقفتنا,السادة الأفاضل المحترمين قاطني مدينة الرحاب انا حابب بس اوصلكم فكرة الوقفه بتاعت رجال الامن المطالب مشروعة وقانونية

اول مطلب كرامتنا اللي دايما متهانه من قبل السادة الملاك وبنستحمل علشان خاطر أكل العيش
تاني مطلب يعني ايه ابقي بقالي ١٠ سنين وأكتر شغال وسني كبر ويمشوني المفروض اعمل ايه واصرف علي أولادي منين لما ماليش مصدر رزق غير شغلي
تالت مطلب القوانين اللي بيحطها الجهاز اللي بتبقي لصالحه هو الشخصي ويحط السادة الملاك وأفراد الامن تحت الامر الواقع وكل دا علشان الفلوس عاوزين قوانين في صالح الجميع وافتكر ان ناس كتير بتعاني من دا بالنسبة للسادة الملاك
رابع مطلب يعني ايه ابقي واقف في عز البرد او الحر وشايف شغلي ومجرد ان حد من الادارة يعدي وشكلنا مش عاجبه يصفلنا مع اننا شايفين شغلنا وملتزمين بيه وافتكر حضراتكم بتشوفو دا دا غير الخصومات والجزاءات .. الخ

خامس مطلب نطالب توفير الأمان والسلامه لينا لما أكون واقف علي بوابة او في قطاع واتشتم واتهان ولو فكرت أخد حقي اتحبس في القسم مع أني صاحب حق وانا اللي اتشتمت وماحدش بيجبلي حقي

اما بقي بالنسبة للمرتب حد يقدر يقولي لما فرد امن يتعين علي ٩٢٠ جنيه مرتب + ٢٠٠ جنيه حافز يعني ١١٢٠ جنيه مرتب وساعات بيوصل ١٢٠٠ دا يعمل ايه في ظل الظروف الغلاء اللي البلد فيها وأقل واحد معاه ولدين في مدارس وأكل وشرب وعلاج الخ هانعيش بيهم ازاي حد هايقولي طب ماتشتغل في مكان تاني, هو فين الشغل اللي في البلد علشان اشتغل احنا معانا أفراد معاها ليسانس حقوق ومؤهلات عليا تفتكرو لو لقوا شغل هايشتغلو أفراد امن ولماهما مش لاقين شغل المؤهلات المتوسطه ها تلاقي شغل, ,ياريت كل واحد وواحدة من حضرتكم يحسبها لو هو مكان الناس دي هايعمل ايه
وللعلم مش دي كل المطالب دي جزء منها لو حضراتكم عاوزين تعرفو مطالبنا كلها وقد ايه احنا بنعاني زيكم وأكتر انزلوا وشوفو مطالبنا ايه هاتلاقوها كلها حقوقنا مش لوي دراع بدل ما تاخدو بالشكليات وبس.
شاهد فيديو المظاهرة ...

Posted by Mohamed Saad on Wednesday, December 16, 2015

http://elshaari.rehabfm.com/images/NewsImages/60431.jpg http://elshaari.rehabfm.com/images/NewsImages/60431.jpg