بوابة الجيل الجديد

الأربعاء,13 ديسمبر , 2017

رئيس التحرير التنفيذي

إسلام السعيد

bainidek.com
مقالات

وليد الشاعري يكتب: أرجع لأصلك

8:12 PM _ تم النشر فى السبت,28 نوفمبر , 2015

http://elshaari.rehabfm.com/images/News2015-7/33811.jpg
رحاب اف ام

اهداء لاصدقائي فوق ال٣٥ سنه
أرجع لأصلك وخليك إنسان
ما ترتبطش بعصر ولا موضه ولا بمكان
خليك بطبيعتك يا أبيض يا أسود
وأبعد عن الألوان
أرجع وعيش ساذج
أحسن ماتبقي مفتح ومهموم وتعبان
واللي ينسي بيته القديم
يعيش طول عمره مالوش عنوان
أرجع لصاحب قديم.. حي ..شارع.. حاره..
وناديه بنت الجيران..
واخوها يعرف يديها علقه
ويقولك ندل وجبان..
حوش مدرستك جرس الفسحه فين الواجب ؟ كنت تعبان
لعربيه الفول زيت التموين و لكشري عم شعبان..
ويجي رمضان فانوس ونيللي فطوطه شريهان ..
وتيجي الوقفه ولعب الكوره ف اقرب ميدان
والتكبير والاذان..
واللي متخانق معاه بتشوفو تاخده بالاحضان..
وبالعيديه تجيب الوكمان ميال وصاف مرسال شوقنا ولما الشتا يدق البيبان..
والنص افرنك والشلن والبريزه والبمبو ابو ورق سولوفان...
ومجله ميكي سمير وسوبرمان..
والكوره اهلي زمالك ترسانه طيران
عارف كل اللي قولته ده مستحيل وحاتقوله وليد ده جاله جنان
الله يسامحكم انا راجع لاصلي لوحدي والله المستعان.