بوابة الجيل الجديد

الخميس,20 يونيو , 2019

رئيس التحرير التنفيذي

إسلام السعيد

bainidek.com
ثقافة وفن

تامر أمين يستفز شري مدكور والأخير يرد: كلامك سم يا دكر الشاشة

9:02 AM _ تم النشر فى الأربعاء,15 مايو , 2019

http://elshaari.rehabfm.com/images/News2015-7/102009.jpg
رحاب اف ام

استفز الإعلامي تامر أمين، زميله الإعلامي شريف مدكور، بحديثه حول اصطناع المذيع لشخصية على الهواء وأمام المشاهدين تعاكس شخصيته الحقيقية، قائلًا: "هناك فارق بين شخصية المذيع ونجوميته على الشاشة، لأن الإعلامي مع شخصيته ونجوميته في النهاية ما هو إلا سلعة يتم عرضها على المشاهدين مثلها مثل أي سلعة، ومن أجل التسويق لسلعة لابد أن يكون لها ملامح ومزايا".


وتابع "أمين"، خلال حديثه مع الإعلامي يوسف الحسيني، ببرنامج "حروف الجر"، على نجوم "إف إم": "هديلك أمثلة، وهبدأ بيه علشان أوجهله التحية وندعوله بالشفاء، الزميل شريف مدكور، ربنا كتبله الشفاء هو وكل من يعاني من هذا المرض اللعين، شريف مدكور أبرز مثال، هو على الشاشة هو شخصية شديدة الخصوصية لها ملامح محددة تناسب جدا القالب البرامجي التي يظهر بها، فهو يقدم برامج للطبخ والمرأة، وبمنتهى الذكاء فكر في شخصية المذيع".
واستكمل "أمين": "لو كان مذيع جد أوي أو راجل أوي، مش هينفع، البرامج دي محتاجة مذيع ناعم، مذيع لديه مساحة من الرقة، والعزوبة التي تميل للجنس اللطيف، كي يشعروا أنه منهم، لدرجة أنه بعض الناس يتهمونه بالنعومة الزائدة، ولكنه قاصد يبقى طري وناعم على الشاشة، وبيعمل حاجات غيره لا يجرؤ يعملها، وأنا كتامر انتقدها، ولكنه عارف أنه دي الشخصية المناسبة".
وأكد "أمين" أن كل من يعرف شريف مدكور على الطبيعة يجد أنه لا علاقة له بهذه النعومة والرقة، راجل جدا، والمشاهدين اللي بيشوفوا شريف في الشارع هيقولوا أنه لا يمكن يكون ده اللي على الشاشة، والمرة الوحيدة اللي صدم فيها مشاهديه، لما طلع في أحد البرامج الرمضانية الشهيرة، وكان ضحية لأحد المقالب، وفوجئوا بشريف بشكل آخر.
ورد شريف مدكور على ما قاله تامر أمين عبر حسابه الشخصي على موقع التواصل الاجتماعي "فيس بوك"، قائلًا: "كلامك سم يا أستاذ تامر وشخصيتي على الشاشة نفس شخصيتي في الحقيقة، وانت عمرك أصلا ما شفتني ولا كان في بيني وبينك أي تعامل.. تامر أمين دكر الشاشة".

ولم تكن تلك المرة الأولى التي يصرح فيها الإعلامي تامر أمين بوجهة نظره في شريف مدكور، فقد سبق وتحدث خلال برنامجه "من الآخر"، الذي قدمه على شاشة "روتانا مصرية"، عن شريف مدكور قائلًا: "شريف في حياته عادي جدا، معرفشي لما بيطلع على الشاشة مبيحميش نفسه أو مبيفرقشي معاه، وكان في لقطة عملها محبيه وجمهوره من السيدات قبل الراجل قالوله أنت كدا أوفر يا شريف، بعدما جرب على الهواء كريم لإزالة الشعر".


وقاله "أمين" موجها رسالة لـ"مدكور" حينها: "ليه يا شريف.. والله أنا بحبك جدا ومش عاوزك تجيب لنفسك الكلام.. إيه يا شيكو ده، يعني البنت هي اللي واقفة بتتكلم وانت اللي بتصنفر، المنظر مش حلو، ربما بتعملها بمنطق الإفيه أو الهزار، بس مش كل الهزار يطلع على الهواء".
وفي حوار سابق له مع الإعلامية رشا نبيل ببرنامج "كلام تاني"، على شاشة "دريم"، انتقد الإعلامي شريف مدكور ما قاله تامر أمين، بقوله: "الإعلامي الوحيد اللي مش عاوز أبقى زيه، بحسه إنسان طيب أوي، بس بحسه مذيع نشرة قوي جدا صوته حلو واللغة العربية قوية، ولكن لما بيحاور لأ".


وتابع "مدكور: "لما تامر أمين انتقدني قعدت أضحك ومكنتش مصدق، إزاي إحنا المذيعين نقول كدا على بعض، يقولي اشرب بريل واسترجل.. ميصحش".

http://elshaari.rehabfm.com/images/NewsImages/1170651.jpg